蘭怪談

兩無聊西裝男收工後，前後腳抵達蘭桂L字頭小竇 happy hour，搞乜？當然非放羊，起帳篷，搞搞震。無非都係吹吹水，及及女．．

健力仕男： 「你成日都叫我介紹個女仔俾你，其實你有咩要求呀大哥？ 」
布丁頓男左顧右盼中， 應付著健力士男．．

「有前有後，身高唔會高過我，個樣唔差過Amanda Strang太多；唔會吵住叫我買LV Tribute Patchwork．．．」

布丁頓男一口布丁頓，一眼關七．．

Amanda S 挽著女伴兩件繞過L竇L轉彎，小道小氣層中旋即彌漫著一小陣淡淡的香水小旋風，陪隨著三兩妙齡女子清脆動聽遠去的笑聲．．

布丁頓男一路緊盯，一邊淺淺地呷了一口布丁頓 ，

「嗯．．仲要識得煮Seafood Risotto。」

健力仕男O晒咀，無言以對，大大啖自隊了一口黑黑的健力仕。